બાગે ફદકની માલિકી માટેની દલીલો રસૂલે ખુદા (સ.અ.વ.)ની શહાદત બાદ તરત જ ચાલુ થઈ ચૂકી હતી પણ તેની વધારે જરૂરત દસકાઓ પછી લાગી કેમ કે હાકીમો હંમેશાં એ ડરમાં રેહતા હતા કે આલે મોહમ્મદ (અ.મુ.સ.) બાગે ફદક ઉપર માલિકીનો હક માંગશે.
નીચે જણાવેલ ઇમામ મુસા કાઝીમ અ.સ.ના હારૂન સાથેના વર્તન પરથી આ હકીકત માલૂમ થાય છે.
હારૂન અલ અબ્બાસી ઇમામ મુસા ઈબ્ન જાફર (અ.સ.)ને કહ્યા કરતો કે તે ઇમામ (અ.સ.)ને ફદક પાછો આપવા ઈચ્છે છે. પણ ઇમામ અ.સ.એ તેની આ વાત ને હમેશાં નકારી નાખી.
જ્યારે હારૂને બાગે ફદક પાછો આપવા ઘણું જોર કર્યું ત્યારે
ઇમામ અ.સ.એ કહ્યું: “કે આપ ત્યાં સુધી ફદક પાછો નહીં લે જ્યાં સુધી બાગને તેની તમામ સરહદ સાથે પરત કરવામાં ન આવે.”
હારૂને પૂછ્યું: “બાગની સરહદ શું છે?”
ઈમામ (અ.સ.)એ ફરમાવ્યું: “જો આપ તેની સરહદો બયાન કરશે તો તે ક્યારે પણ બાગ પાછો આપશે નહિ.”
હારૂન એ ઇમામ અ.સ.ને આપના જદના વાસ્તાથી સરહદો બયાન કરવા કહ્યું.
ઈમામ અ.સ. ફરમાવ્યું: “બાગની પેહલી સરહદ યમન છે.”
આ સાંભળી હારૂનના ચેહરાનો રંગ બદલાઈ ગયો.
હારૂને ઇમામ (અ.સ.)ને બીજી સરહદો બયાન કરવા કહ્યું.
ઈમામ (અ.સ.)એ ફરમાવ્યું: “બીજી સરહદ ઉઝબેકિસ્તાન છે.”
હારૂનનો ચેહરો વધુ ઉતરી ગયો.
ઈમામ (અ.સ.)એ કહ્યું: “ત્રીજી સરહદ આફ્રિકા છે.”
હારૂનનો ચેહરો કાળો પડી ગયો અને ઈમામ (અ.સ.) ને વધુ જણાવવા કહ્યું.
ઈમામ (અ.સ.)એ ફરમાવ્યું: “ચોથી સરહદ આર્મેનિયન દરિયા કિનારો છે.”
હારૂને કહ્યું: “અમારી માટે તો કંઈ બચ્યું જ નહિ.”
ઈમામ (અ.સ.)એ ફરમાવ્યું: “મે કહ્યું હતું જો હું ફદક ની સાચી સરહદો જણાવીશ તો તું ક્યારે પણ તેને પરત કરશે નહિ.”
આ બનાવ પછી હારૂને ઈમામ મુસા કાઝિમ (અ.સ.)ને કત્લ કરવાનો ઈરાદો કર્યો.
(મનાકીબે આલે અબી તાલિબ અ.સ., ભાગ ૪ પેજ – ૩૨૦)
Be the first to comment